中年好聲音｜羅啟豪唱<Never Enough>傳承媽媽歌唱夢

無綫綜藝歌唱真人騷《中年好聲音》，昨（12日）晚播出的第六部曲故事之歌《十強戰！首回合生死鬥！》，12強選手其實各自都面對着不同的「中年人人生課題」，製作組特意為各人做了深度專訪，讓觀眾對他們有更全面認識。

至於最強黑馬羅啟豪，面對的人生課題則是「傳承」，原來羅媽媽曾經贏過歌唱比賽，更曾獲機會簽唱片公司，惟羅媽媽選擇了家庭而放棄當歌手機會，現時啟豪其實是「傳承」着媽媽的歌唱夢。他選唱了<Never Enough>得到80分，惟Eric Kwok表示：「我feel到唱歌，但feel唔到當中的故事，你的律動感唔強，英文歌的律動比較自由，容易揮灑自如啲，但你演繹得急咗，同埋好容易周圍望咗。」

另一位評審張佳添則給予正評：「我今日畀19分，因為我聽到啟豪係好的演繹，包括整首歌的build up ，我聽唔到拍子上有問題。加上啟豪一次比一次穩定，是獎勵分嚟，你今天好專業！」肥媽笑指：「我給高分是你的技巧性好好，今日你喉嚨係舒服，尤其後尾個音調，我等緊你唱Enough走音，但最後又比你轉到音，有驚無險，畀18分是精神鼓勵，記得唱完歌唔好出去蒲、唔好捱夜、唔好飲凍飲！」