已婚丘亞葵傳與龍婷車廂內激咀 光速回應：只係朋友式Hello Kiss！

《中年好聲音》第一屆參賽者龍婷，唱功了功的她，完了賽事後一直保持着高人氣，全力發展唱歌事業，無論人氣及發展均不俗。不過龍婷的私生活一向低調，但今日，有其他傳媒驚傳龍婷與資深演唱會製作人丘亞葵約會，更疑似被影到二人在車廂內激吻？

據消息引述，龍婷日前完成工作後，即急急去會合丘亞葵約會，兩人先到了九龍灣某商場食飯兼睇戲，並在用餐時在暗角撐枱腳，有說有笑。報道更指，二人到停車場離開，情到濃時，更在車廂中激吻！期間，龍婷主動將身軀貼近丘亞葵，輕搭對方膊頭，把嘴伸向丘亞葵，便親吻起來，更似被傳媒斷正。

不過，事件經過半日發酵，丘亞葵即向其他傳媒作出回應，澄清他與龍婷的關係：「我係已婚嘅人，同龍婷清清白白，見面只係為工作，其實啲相係兩個月前嘅事，嗰日我哋約咗傾演唱會，因為都夜晚啦，我有啲肚餓，咪叫佢一齊落公司樓下食小小嘢，同埋齣戲咁hit，買飛入場支持吓業界，拍Pat係角度啫，我都感覺唔到佢拍我，講到激嘴仲誇張，只係朋友式嘅Hello Kiss，錫咗一啖面，唔係大家諗到咁，我同老婆結咗婚好耐，亦已經同老婆解釋清楚，我都唔係咁嘅人。」

問到可會和龍婷斷絕來往？丘亞葵指：「都係同以前一樣啦，只限於工作上見，其他時間就唔見私下見面。唔好意思，影響咗佢哋！」