偵戰｜古仔華哥謝君豪合拍新片 曝《城寨》前傳終章正籌備劇本

古天樂 有份演出嘅《九龍城寨之圍城》票房勢如破竹，不過呢日佢就已經現身另一部新作嘅開鏡現場，同 任達華 謝君豪 仲有內地演員 此沙 袁富華 盧慧敏 等，合作拍攝新戲《偵戰》。不過華哥聽完導演講角角色之後，就大為頭痛，都唔知點演繹先好喇。

自《殺破狼》之後再同華哥合作嘅古仔，就透露有唔少打鬥戲份，又指新片係講述幾個鐘頭之內發生嘅一個故事喇。佢仲話將會繼續參與《城寨》嘅謝票，希望大家繼續支持呀。而前傳同終章亦正籌備劇本當中。

《封神》男星此沙呢次同Amy有唔少合作，呢日佢就大讚對方溫柔又識照顧拍檔，而突然成為香港靚女代表嘅Amy仲非常唔好意思，仲有少少尷尬咁呀。