《臨時決鬥》古仔演泰拳半王成嚴師 王丹妮堅持親上陣被撻狂捱打

2025已經去到尾聲，而農曆新年倒數一個月就會來臨，而今年陪大家嘅賀歲片亦都紛紛準備出擊喇。而由 古天樂 梁詠琪 等主演嘅《臨時決鬥》，就定於大年廿九(1月28日)公映同觀眾賀歲，最新製作特輯亦都發佈，見到 王丹妮 被 古天樂 又撻又打，仍然堅持親身上陣。

王丹妮受嚴師古天樂訓練，動作戲都親身上陣
導演麥啟光表示，唔少原先安排替身演出嘅部份，演員都提出親身上陣。好似梁詠琪開鏡前就先花一個月了解泰拳基本功架。戲中身為歷屆拳王兼泰拳教練嘅古仔，為激王丹妮，以嚴厲訓練怒撻、打肚、電擊等，見到都難捱，不過Louise就竟然嗌爽。古仔仲話，相信呢部戲係Louise入行以來最辛苦嘅演出。
凌空撻完再被狂打肚，難怪古仔認為呢部係Louise最辛苦之作喇

被凌空撻生魚咁撻又打到澎澎聲嘅Louise就話：「接呢部戲時冇諗過有咁多打戲，有好多場戲都挑戰係王丹妮，可以成就自己，最後得到正面結果。」 而同Louise爭風呷醋嘅 周秀娜 ，喺戲中為男友 陳湛文 接受擂台挑戰，娜姐話：「我係泰拳女拳王，真係好大壓力，頭兩、三堂訓練幾氣餒，師傅不停糾正我姿勢，泰拳真係要打真人，開頭唔敢出力。正式拍攝時，我同Louise都不停受傷，同佢拍兩日，二人好似大戰300回合咁。」
娜姐戲中同Louise爭風呷醋，仲有擂台上分勝負

胡子彤就指：「當上到擂台，呢3分鐘就只得你自己一個，所有嘢都靠自己面對。打人已經好難，仲要打師母（梁詠琪），幾鬼驚。拳擊就係踏上擂台就要完成比賽，無論落後與否都冇得走。」而張文傑亦都話：「同古仔多次合作，今次係首次對打，感覺興奮。」

據講爭執起因都係因為陳湛文而起