最近加入新公司兼推出新歌《跳跳虎》嘅 力臻 ,呢日上到嚟《StarTalk》接受 許文軒 嘅專訪。提到新歌同 Chinky Eyes 合作,力臻話大家係由網友而認識,當時睇到對方喺一個音樂節嘅演出片段,見到佢哋令全場氣氛high爆,所以就令佢都想出一首可以同全場觀眾一齊玩嘅歌。提到今次新歌,同自己嘅首支作品《都市爬行》嘅關係,力臻表示當年寫《都市爬行》時,自己嘅情緒比較低落,當時想借作品帶出「跳出車廂會有另一片天」嘅諗法,而嚟到新歌《跳跳虎》,力臻就話想提醒大家,即使跳到去邊、幾忙都好,都要留返啲時間畀自己欣賞人生中經過嘅moment。
訪問中,力臻分享為新歌錄音時嘅趣事,當中一定要數到Chinky Eyes 以隔音板砌成一間「錄音室」畀力臻去錄音。而喺首歌入面除咗擺入唔少屬於香港獨有嘅聲音元素,仲加入咗佢哋鍾意嘅電影經典對白,當中就包括周星馳嘅《九品芝麻官之白面包青天》入面嘅一句經典對白,難怪力臻話成個合作過程都相當新鮮同有趣!
由於今次新歌節奏較明快,所以喺打歌詞上嚟力臻就笑言要放慢到0.5倍速先可以數得清唱咗幾多個「彈」字。除咗喺歌詞上有難度,拍MV嗰陣亦都因為要瘋狂地四圍去彈下彈下,搞到力臻都話自己體力上都有啲跟唔上,每跳幾次就要停一停休息一下。
除咗同Chinky Eyes 嘅跳舞版外,力臻仲為新歌製作咗一個Funky Mix版本,佢坦言做呢個版本嘅原因,係因為跳舞版自己一個人係唱唔到,所以先搞一個獨唱嘅懷舊版。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)