獨家｜唱將現身拍《中年好聲音3》宣傳片 回顧參賽前後圓理想脫胎換骨

兩屆《中年好聲音》節目令唔少朋友對早已放低嘅夢想重拾信心，過往嘅歌唱夢重新燃起，新一季《中年好聲音3》即將就會開始招募新一批有待重啟夢想嘅朋友，呢日兩屆中聲唱將包括 周吉佩 李佳 羅啟豪 顏志恒 顏米羔 黃劍文 等，就齊齊打扮整齊拍攝宣傳片喇。

當時將太太蒙在鼓裡偷偷報名，仲一舉成為冠軍嘅吉吉，就指其實心理關口相信會係有意參加朋友最難衝破嘅一環，佢仲話短短年多就好似將人生大翻轉一樣，更鼓勵蠢蠢欲動嘅朋友唔好心思思，到時一定要報名參加呀。

至於李佳亦華麗現身，佢同Ramon都話參賽之後唔止人生有唔少改變，連性格都變得開朗唔少，仲認識大批志同道合熱愛唱歌嘅朋友呀。

Benson同米糕仲有Kimman就回想報名前嘅戰戰兢兢心情，而米羔就覺得「中年」兩字反而令自己覺得更要勇往直前，至於Kimman同樣抱再試無妨嘅心理，雖然大家生活都有唔少包袱，不過參賽能夠圓夢都係非常值得嘅結果。