袁偉豪自爆新手爸爸餵奶險出意外 袁咕碌塊面變色唞唔到氣

袁偉豪、張寶兒（Bowie）榮升父母後幸福滿瀉，經常喺網上分享兒子袁咕碌成長日常。袁偉豪同Bowie近日現身電台接受訪問，仲帶埋阿仔到場，節目一開始，主持祥仔大讚袁咕碌可愛，面對一眾大人嘅鏡頭仍然一副淡定樣。
 袁偉豪同Bowie近日現身電台接受訪問，仲帶埋阿仔到場。

新手爸媽的確唔易做，BB出世後同打仗一樣，袁偉豪就笑言湊B初期真係好攰，加上自己有遠視，抱住阿仔餵奶嘅時候因為太近，所以眼袋大咗唔少。Bowie形容最初行為係要無限重複，餵BB一餐，自己扒幾啖飯、去個廁所又要餵下一餐，令主持們嘩然以對，袁偉豪大讚老婆好偉大，形容呢個生活仲忙過拍戲。
 
袁偉豪就笑言湊B初期真係好攰，加上自己有遠視，抱住阿仔餵奶嘅時候因為太近，所以眼袋大咗唔少。

但係講到最驚險嘅，就莫過於係袁偉豪呢位新手爸爸受到月嫂鼓勵，喺初試餵奶時，餵餵吓見到袁咕碌塊面變色，下一秒月嫂已抱走BB，月嫂話BB唞唔到氣，原來係因為奶嘴水流太急，而袁咕碌未識換氣，所以飲飲吓就開始唞唔到氣。雖然有月嫂睇住，但係呢件事已嚇到阿Ben唔敢再餵，即刻出門口返工。
 
袁偉豪大讚老婆好偉大，形容呢個生活仲忙過拍戲。

袁偉豪同Bowie亦喺《學神爸媽Get Set Go》學習到唔少育兒經驗，講到對袁咕碌嘅教育，袁偉豪自認要變怪獸家長，笑言喺同Bowie了解Playgroup資料時，發現自己同老婆想法極不一致，自己係想放養袁咕碌，但老婆就由袁咕碌5個月開始就想將佢送去Playgroup。
袁偉豪自認要變怪獸家長，笑言喺同Bowie了解Playgroup資料時，發現自己同老婆想法極不一致。