《雷雨》新光重演三場爆滿丨薛家燕讚話劇《雷雨》絕無冷場楊明莊思明驚喜黎燕珊「瘋顛」演技

由粵劇名伶陳培甡聯同黎燕珊、南鳳、鄧有銀、陳鴻進、黎耀威、呂洪廣及陳希寶等，日前於新光戲院大劇場載譽重演三場家傳戶曉話劇《雷雨》，因為首演口碑不絕，今次三場亦爆滿，當陳培甡拖住黎燕珊與鄧有銀出場謝幕時，觀眾掌聲如雷。

由粵劇名伶陳培甡聯同黎燕珊、南鳳、鄧有銀、陳鴻進、黎耀威、呂洪廣及陳希寶等，日前於新光戲院大劇場載譽重演三場家傳戶曉話劇《雷雨》。

珊姐套用劇中對白：「阿平，我哋真係完咗？」銀姐用四鳳語氣講：「阿平，我唔捨得你呀？」而飾演周平的陳培甡就說: 「我地其實最唔捨得係觀眾！」再向觀眾致謝圓滿落幕，似乎亦埋下再有機會重演嘅玄機。

家燕姐更睇足全場非常投入，大讚今次跨粵劇與演藝界攜手演出。

陳塙甡今次重演《雷雨》每一位都演得好好更有默契，三場演亦有唔少圈中好友到場欣賞，包括薛家燕、楊明、莊思明、劉家豪、梅小青、王玉環、倫永亮及歐信希等，家燕姐更睇足全場非常投入，大讚今次跨粵劇與演藝界攜手演出，一眾演員演得非常好，家燕姐讚好有獨特之處，令佢最驚喜係首次睇黎燕珊演舞台劇，繁漪呢個角色絕對不易演，但黎燕珊演繹充滿層次感。

劉家豪與梅小青結伴再睇舞台劇《雷雨》。王玉環專程來捧好姊妹黎燕珊場。

家燕姐透露雖然有人搵佢演舞台劇，不過自己好難專心度到兩三個月排練，只能欣賞別人演出。黎燕珊亦不捨「周繁漪」呢個角色，期待後會有期，連日來珊姐睇到好多朋友留言支持，深深多謝大家鼓勵與肯定，更感謝台前幕後團隊。

楊明與莊思明捧黎燕珊場睇珊姐演出舞台劇。

楊明與莊思明拍拖睇《雷雨》，原本係捧珊姐場，首次睇呢齣舞台劇，見到珊姐表現與平日電視劇中嘅好媽媽完全唔同，兩人異口同聲：「真係好驚喜未見過珊姐演一個為情而瘋顛嘅繁漪，從來未見過珊姐這一面，真係好厲害好犀利，真心佩服。」

陳培甡（左）與陳鴻進飾演兩父子,劇力迫人。黎燕珊把繁漪對愛情的執迷演得淋漓盡致。陳希寶（左）演的周衝與黎耀威飾演魯大海兩人演出亦甚受歡眾喜愛。