電影泉攻略丨謝霆鋒任動作指導傳承 泉叔派福利送《海關戰線》換票證丨EP110

王鎮泉Jeoffrey每星期為你提供新鮮熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

本週新片速遞《意外》改編自香港導演鄭保瑞執導嘅香港電影，由姜楝元飾演暗殺天團首腦，擅長策劃天衣無縫嘅意外，某日行動不似預期，大家懷疑團中有內鬼，真假撲朔迷離，敵友難分難解。

《海關戰線》故事講述香港海關在一次例行海上巡邏時，查獲一艘有大批殺傷力武器貨船，調查過程中遇上一班海外勢力轟炸搶奪，為咗追查走私真相，張學友、謝霆鋒等人展開連場爆破追捕。

今集影人Talk主角邀請到謝霆鋒分享，佢喺電影中有一打十幾人嘅場面，佢話呢場戲排咗好耐，為捕捉鏡頭拍咗近6日，最難拿捏相信係攝影師。霆鋒喺戲中好多打鬥動作，今次佢為電影擔任動作指導，所有動作戲佢都堅持親身上陣，全因霆鋒認為港式動作片係一個標籤，全世界過去幾十年都參考香港動作片，甚至連TONY JAA都係被香港動作片吸引而去練習功夫，而成為武打巨星，霆鋒不想下一代失傳，所以苦苦繼續堅持。雖然現時AI普級，但霆鋒覺得港產片又未達至有一個好大成本去製作到完美無暇嘅畫面，例如見到一啲超級英雄電影，以後期做動作，對佢而言並唔係動作電影，只係特效電影。而出道以來霆鋒曾經跟過不同武師同動作指導，佢覺得全部人都對佢都有好大影響力，令佢有唔同啟發。

「泉叔派福利」又嚟啦！今次為大家帶嚟《海關戰線》嘅換票證！而呢次嘅問題係：「電影《海關戰線》中，謝霆鋒和張學友飾演嘅角色叫咩名呢？」

知道答案嘅朋友記得喺7月4號晚上10點至12點期間，私信到「TVB娛樂新聞台Facebook專頁」，註明《電影泉攻略．泉叔派福利》，記得10點前send嚟嘅答案係唔算數，頭十名答啱嘅朋友，每人各得換票證兩張。

至於本週嘅票房龍虎榜截至7月3日中午，第三位《無聲絕境外傳：首襲日》；第二位《談判專家》；第一位《壞蛋獎門人4》。