眾藝人為巴黎奧運做足準備 顏米羔鍾情體操跳水賽事

仲有唔夠20日就係巴黎奧運揭幕嘅大日子，TVB經已上下一心，做好準備迎接奧運， 何沛珈 陸浩明 陳懿德 鄭衍峰 余思霆 黃靖靈 同 李芷晴 等，呢日現身商場宣傳，大家仲係台上做運動比拼，為奧運做定熱身。

今年再度有份主持奧運賽事嘅6號，就分享咗佢做奧運主持嘅小趣事。Leonard早前率先飛咗去巴黎拍攝節目，搞到一班靚女不知幾羨慕，何沛珈都話想拉埋芷晴等一班美女自薦去拍埋一份。而 顏米羔 同埋 陳俞霏 呢日就為活動獻唱助陣，吸引大批粉絲捧場，佢哋話自己都係奧運嘅忠粉，米羔就最鍾意睇體操同埋跳水，因為運動員嘅動作好有難度，而俞霏就話自己曾經努力學滑雪嘅高難度動作，可惜最後都未能成功，而佢嘅運動員夢亦隨之幻滅。