金荷娜為目擊Rain拍動作戲 專程探班大讚對方身手了得

韓國天王Rain鄭智薰同愛情劇女王金荷娜聯同新劇一眾演員出席記招造勢，Rain喺新劇中飾演新秘保鑣，為目的而接近金荷娜而發生一連串故事，當中有唔少動作場面，亦有好多復仇情節。Rain就話新劇嘅重點就係佢同金荷娜嘅感情線，佢話事前同金荷娜溝通好點去演繹，唔想放太多個人睇法去演，而兩人合作更加係一拍即合，佢形容呢套係一套愛情劇。

Rain稱得上係韓國凍齡男神界嘅天花板，多年嚟依家保持弗爆狀態，難怪金荷娜都心心眼，佢更加係走去探阿Rain拍攝動作場口班，想親眼睇吓Rain動作戲到底有幾利害，果然係身手了得，佢仲話拍攝時因為有人為自己拼命，所以當刻都有啲心動。