太極成軍40周年澳門開騷 五子改編名曲為歌迷做足準備

今年成立40周年嘅香港殿堂級搖滾樂隊 太極樂隊 五位成員，下月會到澳門舉行演唱會，同樂迷度過一個狂熱晚上。

太極闊別澳門13年後，8月底將再到當地演出

太極係香港搖滾同樂隊樂發展嘅重要一員，佢哋嘅音樂同精神影響住無數嘅香港樂隊同音樂人。多首經典作品好似《紅色跑車》、《留住我吧》、《每一句說話》、《Crystal》等，至今仍深受樂迷喜愛。

2021年合體嘅香港演唱會後，太極成員將再次重組

太極樂隊作為香港代表性搖滾樂隊，可以話見證住香港搖滾音樂嘅發展軌跡，今次闊別澳門舞台13年後，再次同一眾樂迷分享。今次演出力求為樂迷呈現全新音樂面貌，除咗重溫大家熟悉嘅歌曲，亦特別準備重新編排唔少名作，力求為觀眾奉上一場與別不同嘅音樂之旅。