劉若英相隔七年再開澳門騷 與歌迷約定唱到80歲

劉若英（奶茶）相隔七年再到澳門開騷，呢次奶茶寓工作於娛樂，喺開騷前提前到達當地進行小度假，又大啖嘆美食，真係夠晒滿足。同當地歌迷咁耐冇見，奶茶喺服裝以及歌單編排上都非常有心，唱出《彼得潘》、《我要你好好的》等歌曲。喺Talking環節時，奶茶就話：「聽說今天有很多人是跟朋友一起來。」又問有冇人帶父母或小朋友到場，喺等到粉絲回應後，奶茶開心表示：「幹得好。一定要讓他（小朋友）從小就聽劉若英的歌，這樣我就可以一路唱到八十歲。」

劉若英時隔7年再次喺澳門開演唱會
 
奶茶歌迷喺打扮上其實都好有心，由於佢哋粉絲名稱叫做「橘子」，所以都有唔少粉絲約埋一齊以「橘子」造型睇騷，當奶茶唱完《點亮橘子樹》，望見變身一排「人型橘子」嘅歌迷時，既感動又驚喜，仲叫攝影師記得要影多啲佢哋添。

呢晚佢仲話自己特別提早到當地嘆美食呀