徐小鳳精神奕奕向甘比學藝玩鈎織 獻靚聲清唱金曲對公仔愛不釋手

富商劉鑾雄太太陳凱韻(甘比)去年親力親為自創本地鈎織手作品牌，幾乎每天都喺度舖坐鎮，又開班教學，眼見開業至今有聲有色，呢個鈎織小興趣除咗吸引廣大巿民試吓之外，其實有好多名人藝人包括鍾楚虹、鄭秀文、楊千嬅等都先後大駕光臨。
小鳳姐駕到！
呢日就吸引到過住深居簡出生活嘅歌后小鳳姐(徐小鳳)親臨支持，甘比更喺品牌官方社交平台出Post，首先甘比超興奮歡迎巨星來臨，見年屆75歲嘅小鳳精神奕奕同甘比互動，仲笑指自己嚟參觀繽紛小店，覺得好可愛好鍾意個環境，小鳳姐對手上拎住一個藍色鈎織大手袋情有獨鍾，原來正正係出自甘比嘅手藝，所以甘比大讚小鳳姐識貨。接住現場就傳來唱歌...唱歌...嘅起哄聲音，最後小鳳姐有求必應，激罕獻靚聲，清唱咗幾句經典歌《風雨同路》，真係令人有耳朵懷孕感覺。
小鳳姐親自體驗鈎織嘅快樂。
一場嚟到又點少得親自一嘗鈎織滋味，小鳳姐親自挑選咗低調得嚟又唔浮誇嘅粉紅色粗冷，試吓Finger knit，見小鳳姐好鬼投入研究，同時甘比出馬親自敎授一齊完成，小鳳姐更即時圍上自己嘅製成品到頸上，一臉滿足咁滿載而歸。期間小鳳姐對現場嘅鈎織肥企鵝愛不釋手，展現反老還童一面。
小鳳姐對公仔好有興趣！
另外，日前星二代邱淑貞女兒沈月亦親臨搵甘比學鈎織，親手織咗一枝花同心心話要送畀媽媽。

邱淑貞女兒沈月日前亦親臨搵甘比學鈎織。邱淑貞女兒沈月日前亦親臨搵甘比學鈎織。佢話係織嚟送畀媽咪㗎！