袁詠儀低調慶祝53歲生日 合照刻意遮住囝囝張慕童

生日快樂！9月4號係袁詠儀嘅53歲，之前佢出活動時就講過，今年生日要忙住搬屋唔會大搞，只會同朋友簡單食餐飯慶祝。靚靚嘅好友呢晚就為佢準備咗一餐温馨嘅生日飯，除咗有佢老公張智霖同囝囝張慕童Morton到場外，仲有邱淑貞、蔡一智等好友一齊現身為靚靚慶祝。

張智霖同囝囝張慕童，為靚靚慶祝生日。兩張合照Morton個樣都被遮住咗。

今年11月過完生日就滿18歲嘅Morton，已經同爸爸Chilam一樣咁高，不過喺靚靚post出嚟嘅「全家福」入面，佢就以一個漫畫公仔頭遮住Morton個樣，慎防囝囝嘅近照曝光。靚靚喺帖文中寫道：「好友為我準備了一個親蜜温馨的生日晚餐，感恩你的愛❤️Faye, 謝謝你們送的禮物和美麗的花，祝願我的好友們身體健康💪🏻生活愉快😍。​​​」
呢晚仲生日飯仲有邱淑貞。袁詠儀 同 蔡一智。