林峯 現身沙田馬場為年度馬季煞科日擔任表演嘉賓,一身好hot嘅開胸打扮同現場嘅天氣一樣咁火熱。今次係阿峯久違現身馬場,不過佢就自認冇乜博彩運,但一直對馬有情意結,反而有打算養退役馬,因為自己好鍾意騎馬,加上快將四歲嘅囡囡都好喜歡馬,故特意安排阿女學習騎術,亦係一項好好嘅運動,囡囡都好enjoy一啲都唔驚。有人更提議阿峯養退役馬可以配合其姓名,取名為「玉樹」,令阿峯笑笑口指,都可以改返個啱小朋友嘅名字。
阿峯9月將會喺澳門開騷,雖然香港紅館個唱已經入紙申請中,但就未落實幾時,所以阿峯視今次澳門騷為熱身,係個好好預演。現時開騷好都好興粉絲點唱,講到若果歌迷投票最想聽劇集《尋秦記》主題曲點處理好,阿峯即幽默表示要搵埋老闆古天樂做嘉賓。
講到囡囡Luna同太太張馨月暫時喺香港定居,阿峯話9月會帶埋老婆同女兒到澳門睇騷,但只會喺後台,並笑指阿女雖然唔太識講廣東話,但就識唱佢嘅歌,最叻係唱《愛在記憶中找你》。又大爆囡囡Luna曾經喺佢拍電影《九龍城寨之圍城》時探班,見到爸爸一身血淋淋嘅造型一啲都唔驚,反而覺得好好玩,不過當電影推出後,喺家中播放宣傳片段見到阿峯被狂嘔打時,阿女就反應好大嚎哭,作為爸爸雖然心痛女兒爆喊,但又感到好窩心好冧,事後阿峯都有向女兒解釋只係拍戲,並非真實。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)