張蔓莎將MV場景變成期間限定店 盼儲足資金開設咖啡店

張蔓莎 Sabrina 日前將新歌《細間始終你好》MV內場景變成期間限定店，並於店內舉行發佈會，同時邀請咗林峯、朱鑑然、甄濟如、陳凱詠、張蔓姿、顧定軒、黃凱逸、湯君慈、湯君年及林愷鈴等出席。

一眾好友到場支持。林峯亦有現身。
啟發Sabrina開設今次屬於嘅MV場景小店，源於佢一向喜歡用文字紀錄及親身感受事物，而喺MV中兩個場景，一個係喺土瓜灣售賣復古物件嘅小店，而另一場景就係這間期間限定MV場景店，呢間主要售賣vintage T裇嘅店舖，仲特別將其中一部份還原成MV場景，供大家參觀同打卡。 而Sabrina亦聯同Raw Emotions 設計咗3款T裇出售，佢說：「為今次MV親自畫了一幅畫，在MV中出現之餘，更製成T裇，在今次限定店售賣。同時希望大家留意身邊小店，本地香水品牌Issman，有我其中一款好鍾意的味道，都放在今次店舖畀大家買到。」Sabrina又指希望大家可以喺繁囂世俗中，多啲留意身邊嘅小店，選擇適合自己嘅東西。

MV中嘅畫作亦會喺期間限定店內展出。
講到首次擁有屬於自己嘅pop up store，Sabrina就坦言見到咁多朋友嚟撐自己而感動，佢又指以前都有諗過開一間咖啡店：「不過現在先投放資源多做音樂企劃，待真是有資金才開設理想的咖啡店或賣精品店。」
Sabrina亦有即場獻唱。