當年《亞洲星光大道》台前幕後Re-U 三大評判今變《中聲》重臣憶15年變遷

歌唱比賽一代又一代，無論係當年嘅《新秀》到近年嘅《中年好聲音》，都令唔少參加者勇敢踏上征途向夢想進發。而早喺十多年前，當時嘅TVB同友台亞洲電視，就分別以《超級巨聲》同《亞洲星光大道》於綜藝節目上各施各法對決，同時吸引唔少有志年青人參加追逐夢想喇。

《亞洲星光大道》近日Re-U，當年參加者今日已各有發展

近年為《中年好聲音》擔任評判嘅 肥媽 周國豐 同 張佳添  ，其實當年就係《亞洲星光大道》嘅評判，近日佢哋就約埋一眾當年參賽者同幕後齊齊Re-U見面，好似首屆冠軍 羅力威 、近年成為註冊中醫師嘅第3名 蔡梓銘 、已搖身成為最受歡迎女歌手嘅第4名 陳蕾 仲有《中聲2》冠軍；當年得第5名嘅 古淖文 等齊齊聚餐。

周國豐當年已經係節目評判之一，而曾寶儀則係首兩季主持

當年曾參加第一屆比賽嘅 安俊豪 譚杏藍 主持 曾寶儀 同 林曉峰 ，仲有幕後高層呢晚都有出席聚舊，15年來大家繼續喺唔同方向奮鬥各有發展，經過多年之後青澀少年已變成熟中年，不過就依然無阻大家嘅友誼喇。

陳蕾今日已成為最受歡迎女歌手羅力威更已為人父

如果如果心中依然有一團火，亦可以繼續把握機會一試身手，《中年好聲音3》19號就截止報名，追夢無分年紀，即刻去報名啦！  https://tvb.app.do/mlss3