丁文俊林鉫徫首辦聯合粉絲聚會以歌會友 魏嘉信到場撐好友上台合唱

《中年好聲音》第一季歌手丁文俊（Angus）、林鉫徫（Jay）、涂家堯（Gavin）及魏嘉信（Cris）早前宣布合作舉辦連串「Friends 4 Fans」歌迷聚會，讓歌迷以音樂作橋樑，以歌會友。繼上月中與涂家堯合辦首次活動會後，Angus喺8月31號夥拍Jay舉辦聯合粉絲會。二人喺戶外場地大唱多首醉人金曲，歌迷於寫意氣氛之中邊聽好歌邊享用到會美食，為暑假畫上完美句號。

丁文俊喺8月31號夥拍林鉫徫舉辦聯合粉絲會。二人喺戶外場地大唱多首醉人金曲。
Angus與Jay同屬TVB旗下歌手，於工作上合作無間，私交甚篤，卻鮮有機會讓「愛丁寶」（Angus歌迷稱呼）及「Jay鉫人」（Jay歌迷稱呼）聯合舉行活動。向來人緣甚佳嘅Angus同Jay當晚獲家人及歌手朋友到場支持，另外兩位「Friends 4 Fans」拍檔涂家堯同魏嘉信，仲有「中二生」胡光駿、代號「許志家駒」嘅福祿壽訓練學院學員馮彥中、《中三》100強選手莫麗淇（Niki）呢晚到場支持Angus。Jay喺活動上深情地向一直以嚟陪伴自己走過人生每段路嘅朋友們表示感謝，又眼泛淚光地跟粉絲「表白」，感謝粉絲對其演藝事業嘅熱烈支持。

歌迷於寫意氣氛之中邊聽好歌邊享用到會美食。
Angus同Jay又為活動添上意義，慷慨捐出限量絕版唱片作慈善拍賣之用。現場競投氣氛非常激烈，共籌得過萬元善款，全數以「愛丁寶」和「Jay鉫人」名義撥捐東華三院，支持社會上弱勢社群。

Angus同Jay又為活動添上意義，慷慨捐出限量絕版唱片作慈善拍賣之用，現場競投氣氛非常激烈。
兩位歌手喺活動尾聲邀請魏嘉信上台合唱「友情串燒歌」，令聚會喺一片溫馨同歡樂氣氛下圓滿結束。三人更預告將會出席各自歌迷聚會，全力互撐對方，認真老友！

Angus同Jay邀請魏嘉信上台合唱「友情串燒歌」。

向來人緣甚佳嘅Angus同Jay當晚獲家人及歌手朋友到場支持。