譚俊彥日前現身馬來西亞出席活動,太太同一對仔女都有同行,順道享受天倫之樂。話咁快阿Shaun就飛返香港,為TVB熱播中嘅動物紀錄片《森林女王》錄音,聲演喺天空盤旋飛行觀察一切嘅阿鷲。
阿Shaun收到通知要為紀錄片聲演嘅時候,佢話有一定壓力,因為以往為紀錄片配音或擔任說書人嘅講者,都係佢好欣賞嘅人,佢好擔心自己做得唔好。佢又覺得今次紀錄片有別於以往,今次片段有好多講親情故事,好適合父母陪同小朋友欣賞,連佢自己配音時都有流眼淚嘅感覺。
講到配音,阿Shaun以往都有唔少經驗,但自從變成演員之後,就少咗配音工作,好彩坐喺配音室嘅時候都冇生疏,佢覺得配音唔需要太跨張,只要用最合適情感去講就得。
登入後即可查看我的收藏
登入後即可查看瀏覽記錄