連詩雅誕5.9磅小公主Camila 陳家樂親剪臍帶感動爆喊

連詩雅（Shiga）去年4月與陳家樂結婚，今年2月宣布懷孕，佢哋今日同大家分享喜悅，Baby Camila出世啦！
連詩雅與陳家樂今日同大家分享喜悅，Baby Camila出世啦！

初為人母嘅Shiga同樣緊張，未正式推入產房時上身已緊張到不停震，最後需要打少量鎮靜劑平復心情。

陳家樂早前透露愛妻Shiga於7月18號剖腹生B，佢要喺馬來西亞完成拍攝後，喺7月17日返港，爸爸陳家樂曾笑指BB唔好搶閘出世，今日喺IG貼出砌BB床嘅照片。
爸爸陳家樂今日喺IG貼出砌BB床嘅照片。

寵妻號嘅家樂連日向公司請假，要陪住太太入產房、親手剪臍帶，見證小公主誕生，看到囡囡眼仔碌碌，腳撐撐，心情久久不能平復，語帶激動：「BB啱啱出咗世，好開心！出嚟已經非常之活潑，喺度到郁手郁腳，佢哋話隻眼似媽媽，個鼻同口似我，但我唔係好分到，宜家仲有啲緊張有啲頭痛，頭先都幫BB剪咗臍帶，個經歷係好特別，好煙韌…..我唔識講。」
 寵妻號嘅家樂連日向公司請假，要陪住太太入產房、親手剪臍帶，見證小公主誕生。

初為人母嘅Shiga同樣緊張，未正式推入產房時上身已緊張到不停震，最後需要打少量鎮靜劑平復心情，Shiga話：「之前真係好緊張，上身不自主在震，但到生嘅時候又發現冇想像中痛，囡囡又好乖好快就出嚟，見到囡囡出世一刻，好興奮、好感動，咩痛都唔記得晒！更神奇係囡囡喊嘅時候，只要抱佢係自己身邊，佢自自然唔再喊！」剛生完Shiga表示感覺有啲疲累，但為咗囡囡健康，已嘗試餵人奶，睇到阿女嘴郁郁手撐撐，所有痛同辛苦都變得值得，完全感受母愛偉大！