王鎮泉 Jeoffrey 每星期為你提供新鮮熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。好多評論話能夠拯救《黑超特警組》嘅應該只有Will Smith同Tommy Lee Jones。
好多觀眾記得《黑超特警組》呢個系列,但2019年由雷神Chris Hemsworth同女武神Tessa Thompson主演嘅外傳反應慘淡,由於Will Smith早前復出嘅電影票房大賣,好多評論話能夠拯救《黑超特警組》嘅應該只有Will Smith同Tommy Lee Jones。
而最近又指Sony Pictures靜靜雞註冊咗一部未改名嘅黑超特警組電影,預計2025年1月會開拍,有傳女主角好大機會係Sydney Sweeney。《Stranger Things》劇組面臨一個最大問題就係一班小演員真係大得太快。
講到大熱科幻影集《Stranger Things》自從第四季結束之後已有兩年時間,好多粉絲好想快啲睇到第五季,其實一班演員同樣好期待。不過劇組面臨一個最大問題就係一班小演員真係大得太快,再加上呢幾年疫情同埋罷工事件,令劇組面臨好大壓力,大家希望盡快將最後一季完成。
本週新片速遞《龍捲風》講述一個經歷過一場世紀龍捲風災難嘅風暴追蹤者,雖然被陰影籠罩,但對研究龍捲風嘅興致從未減退,佢收好友邀請測試新龍捲風追蹤系統,隨住風暴季節加劇,前所未見嘅可怕天災現象逐一被釋放,佢哋無處可逃,只可以為生死搏鬥。
《末日廝殺橋》一場突如其來嘅迷霧引發嚴重交通事故,政府高官同市民被困喺機場大橋上,政府秘密運送嘅實驗犬意外逃脫,基因改造軍用實驗計劃隨之曝光。被困大橋嘅生還者因而成為獵殺目標,迷霧中人人自危,眾人能否殺出迷霧重圍?
《陽子之旅》42歲陽子長年獨居,性格封閉,18歲後再冇見過家人,因為突然得知父親離世嘅消息而要踏上歸途,逼自己返去陌生嘅屋企,原本同堂兄一齊搭車嘅陽子,途中意外被留低喺休息站,身無分文又冇手機嘅佢,應該何去何從?
至於本周票房龍虎榜截至7月10日中午,第三位《海關戰線》;第二位《壞蛋獎門人4》;第一位《玩轉腦朋友2》。《海關戰線》
《壞蛋獎門人4》
《玩轉腦朋友2》