電影泉攻略丨與張繼聰細數經典黑幫電影 黃宗澤靠江湖電影鑽研演技丨EP118

呢集嘅《電影泉攻略》主持 王鎮泉 特別請到黃宗澤同張繼聰作客<影人Talk>分享第三度合作拍攝嘅《紮職3》拍攝點滴之外，亦大談心目中嘅經典黑幫電影。

阿聰最欣賞杜琪峯嘅《黑社會》，佢覺得每個角色都係經典，好似張家輝飾演嘅飛機、林家棟飾演嘅東莞仔等，而Bosco覺得由發哥周潤發主演嘅《英雄本色》最經典，Mark哥雙槍怒闖楓林閣嘅畫面更係型到核爆。
阿聰指電影《黑社會》每個角色都係經典。
Bosco更透露多得昔日眾多嘅黑幫電影，前輩們留低教科書級演技嘅作品，佢入行後都不停重溫昔日嘅江湖電影鑽研演技。 而阿聰更講笑話當年男生們會聯群結隊入戲院「上堂」學吓咩打扮最有型。
Bosco話靠江湖電影鑽研演技。