網上瘋傳鄭佩佩離世 內地主持人發文悼念

現年78歲嘅香港武打女星鄭佩佩，今日（19號）網上瘋傳其離世消息。
內地主持曹可凡於微博發文悼念。
據指係一位內地主持曹可凡於微博發文悼念，佢喺帖文中表示：「每次和佩佩姐見面，都會被她爽朗的笑聲所感動，即便聊起過往艱難歲月，她也從不抱怨和哀嘆。我們也常常用上海話交流，她說，一說上海話，就彷彿回到自己童年時光，而那一口軟糯典雅的老式上海話，聽來十分親切。痛苦，祈願她一路走好！ 」

消息傳出後不少人亦發文悼念佩佩姐，不過離世消息仍未獲其親友證實。香港元老級武打女星鄭佩佩，憑住胡金銓執導嘅《大醉俠》奠定其「女俠」地位，從影多年曾演出《唐伯虎點秋香》、《臥虎藏龍》、《中華英雄》等多部電影，更憑《臥虎藏龍》中碧眼狐狸一角，而奪得香港電影金像獎最佳女配角殊榮。

近年鄭佩佩亦曾一度傳出病危消息，其之後其女兒原子鏸post出嘅照片中所見，佩佩姐嘅精神相當唔錯。