賴慰玲獲家人好友慶祝生日 與仔仔暫別一個月感不捨

踏入七月就係賴慰玲（Winki）嘅生日月，平時忙於工作嘅Winki，正日生日當然留畀佢兩位重要男人一齊過，就係佢老公同兒子。7月8號生日嘅Winki今日（19號）喺社交平台分享慶祝生日嘅相，包括佢同眼仔睩睩精靈嘅仔仔一齊整蛋糕相，佢仲話過程靚過結果，而老公就默默喺旁邊整另一個送畀佢。

7月8號生日嘅Winki今日喺社交平台分享慶祝生日嘅相。

圈中人緣甚佳嘅Winki，獲不少好友慶祝，包括好姊妹陳嘉寶同何雁詩，仲有劇集《反黑路人甲》好拍檔張振朗同朱敏瀚，佢仲特別多謝朗爺喺百忙中抽半日返港切蛋糕。喺生日月中，佢放假同家人朋友一齊睇演唱會、去愉景灣兩日一夜遊，仲有去西九野餐。

慶祝生日活動後，Winki就送囝囝機，透露要暫別一個月。

慶祝生日活動後，Winki就送囝囝機，透露要暫別一個月：「佢人生未試過咁耐無我喺身，不過收到啲相佢全部都笑得好燦爛，只係我掛住佢掛到喊，到底佢有冇掛住我㗎？」

劇集《反黑路人甲》好拍檔張振朗同朱敏瀚，佢仲特別多謝朗爺喺百忙中抽半日返港切蛋糕。圈中人緣甚佳嘅Winki，獲不少好友慶祝，包括好姊妹陳嘉寶同何雁詩。