劉芷君開生日會補過牛一 感動收歌迷手作禮物

劉芷君（Aster）喺啱啱過去嘅8月20號踏入17歲，呢日Aster歌迷會就為偶像悉心安排一場生日會補過生日。歌迷向Aster送上蛋糕、祝福、合唱生日歌，Aster亦以歌聲回答大家。至於講到生日願望，Aster就話：「希望唱歌、跳舞繼續進步，希望可以出到新歌，仲有希望之後考IB（國際文憑考試）分數可以好好。」

劉芷君日前同歌迷補祝17歲生日

而一年先生日一次，壽星女要去嘅飯局都唔少，Aster唔只唔怕肥，仲話自己應該要增肥：「好多人都想瘦啲，但我覺得我肥啲先好睇。」真係令人好羨慕。
 
Aster由《聲夢傳奇2》出道並一路收穫唔少粉絲，最令佢感到難忘嘅就係收到大家親手製作嘅各式各樣D.I.Y禮物，例如卡片等等，歌迷嘅真摯心意亦令Aster感動。

Aster話希望快啲出新歌，公開試可以獲得好成績
 
踏入17歲，接落嚟一年對Aster學業、事業而言都非常關鍵重要。不過大家都唔洗太擔心，因為Aster都有好好計劃一切，雖然未能公開，但佢自己都好期待！