譚詠麟雨中熱血踢球賽 見卡通生日蛋糕變大細路

8月23號係「永遠25歲」嘅樂壇校長譚詠麟74歲生日，圈中人緣極好嘅校長唔只密集式出席多場生日聚餐，同老友歡聚一堂，對樂隊Mr.有知遇之恩嘅校長，更獲佢哋請食飯，齊齊切蛋糕，非常溫馨。
 樂隊Mr相約校長食生日飯。Ronny為校長送上birthday kiss。
聚餐開心，但踢波更開心！校長早前完成大馬演出後，就返港同晨曦足球隊踢賀壽杯。雖然天公不作美落起大雨，令大家要喺雨中作賽，不過暴雨難以淋熄校長嘅熱血！作為壽星公嘅校長不但活力四特，射入兩球，佢更係零「偶像包袱」，即使頭髮淋到濕晒都無懼露出大額頭。
有波踢，淋雨又有咩怕喎！校長見到自己個Q版蛋糕勁開心。
而一眾球員同大班霍建寧更喺賽後同校長齊齊打邊爐慶祝，又為佢送上卡通蛋糕，令校長難掩興奮神情，十足大細路一樣。
眾球員同大班霍建寧更喺賽後同校長齊齊打邊爐慶祝。