2016年港姐冠軍馮盈盈向來係學霸之一,即使投身娛樂圈後佢都好學不倦,進修自我增值,喺上個月盈盈踏入30歲生日時曾經發文宣布以一級榮譽優等成績(Distinction),至19號佢就喺社交平台分享再戴四方帽畢業嘅喜悅,著畢業袍嘅盈盈好醒神,仲坐喺椅子上大騷白滑長腿非常優雅。30歲馮盈盈以一級榮譽優等成績於港大碩士畢業。
盈盈有感而發留言:「轉瞬間已經相隔8年,我再次穿上畢業袍,戴上四方帽,踏上母校香港大學Grand Hall禮堂。能夠以優異成績(Distinction)理科碩士畢業,我內心的喜悅真是難以形容。」馮盈盈喺社交平台分享再戴四方帽畢業嘅喜悅。
盈盈仲分享咗一張同2023年港姐冠軍莊子璇(Hilary)嘅合照,現年22歲嘅莊子璇同樣畢業於香港大學食物及營養學系,當年Hilary參選港姐時已獲封馮盈盈師妹稱號,Hilary亦希望可以同師姐一樣,事業同學業有所成就。盈盈仲分享咗一張同2023年港姐冠軍莊子璇嘅合照。
盈盈並感謝學校一眾教授同老師悉心教導,令佢喺讀書道路上不斷成長,同時好高興結識一班優秀嘅同學一齊互相支持,佢指最重要係感謝父母同家人一直以嚟喺背後默默支持。盈盈感謝學校一眾教授同老師悉心教導,令佢喺讀書道路上不斷成長。
盈盈回憶喺港大歲月裡面留下好多美好回憶,而每個同學喺領取畢業證書後,都會有自己嘅夢想同方向,「我選擇了學海無涯,學無止境的心態,希望未來能夠豐富自己的人生,踏上新的學習旅程,繼續向前」,盈盈同時鼓勵大家要能勇敢追夢,朝目標努力奮鬥,透過終身學習、持續進修,讓自己保持進步,盈盈獲不少圈中人留言大讚,當中陳煒讚盈盈叻女,而曾同盈盈傳過緋聞嘅鄭衍峰亦讚盈盈係高材生。盈盈回憶喺港大歲月裡面留下好多美好回憶,而每個同學喺領取畢業證書後,都會有自己嘅夢想同方向。