中聲3海選第二日丨FC堂姐參賽成焦點 82歲最年長參加者現身

《中年好聲音3》海選第二日。

《中年好聲音3》參加人數眾多，今年香港賽區已有約4200人報名參加，一眾參加者分批嚟到電視城進行海選，21號係海選嘅第二日，依然吸引大批唱得嘅素人參加。首位面試嘅就係現年82歲嘅賴群玉，賴女士撐住拐杖入內見評審，佢可以話破參加者最年長紀錄，一心諗住挑戰自己嘅賴女士自爆唔聽女兒勸告，由傭人姐姐陪同嚟面試，可以話係勇氣可嘉，佢因為唔識搞音樂，所以實行清唱上陣，搏得全場掌聲。
現年82歲嘅賴群玉，撐住拐杖入內見評審。賴女士話佢係由傭人姐姐陪同嚟面試。
中聲2嘅人氣王譚輝智一早透露會有家人參賽，呢日亦終於揭盅，譚輝智嘅堂姐譚旨經現身面試，而輝智刻意未有監場以免堂姐太大壓力，雖然堂姐發揮未係最好，但輝智大賣口乖指堂姐當年唱功已達專業歌手水平，希望堂姐加油。
譚輝智嘅堂姐譚旨經現身面試。譚輝智都有到場，但因為怕堂姐有壓力，所以就冇入內監場。
云云參加者中有兩位令一向嚴格嘅伍仲衡忘記撳叮叮，分別係以生鬼演繹《唐山大兄》嘅尤志豪以及動人演繹《給兒子的信》嘅嚴志恒。 演員身份嘅尤志豪更自爆黑歷史，2020年曾上載翻唱歌《小黑與我》被網民一致評定係樂壇已死，希望參加節目為自己平反。尤志豪嘅演繹娛樂性十足更被伍Sir爆出一句評語:「樂壇需要你！」
本身係演員嘅尤志豪，呢日都有嚟參選。嚴志恒嘅演出令曾志偉相當感動。嚴志恒嘅演出令曾志偉相當感動。

另一位55歲嘅嚴志恒獻唱一曲《給兒子的信》送畀自己就快畢業嘅女兒，鼓勵對方笑住面對人生高低同關卡，因為聲線獨特加上真情演繹，令在場嘅總經理聽到眼濕濕不時抹淚。而參加者阿Ben亦分享自己患有末期腎衰竭嘅經歷，希望鼓勵病友可以活出積極人生。 
生命鬥士Ben就分享自己患有末期腎衰竭嘅經歷，希望鼓勵病友可以活出積極人生。
作為評審嘅肥媽對於第二日海選嘅參加者相當滿意，仲好高興見到唔同嘅選歌類型，有人唱歌劇，有人唱粵劇，其中一種風格更甚得肥媽歡心，肥媽更要求參加者唱多次。