《中聲3》戰線展開首位五燈歌手誕生 新增激活機制 失手唱將有機翻生！

《中年好聲音3》正式啟動，喺9月1號率先播出《中年好聲音3之決戰新馬》，新馬賽區嘅20位選手嘅其中十位選手上場比賽，一眾評審畀燈相當手緊，首集只係產生一位五燈選手，就係馬來西亞嘅王鄭浚仁，以高難度歌曲《同花順》出戰，憑佢平衡地將高低音轉換被五位評審一致認同。

首集只係產生一位五燈選手，就係馬來西亞嘅王鄭浚仁，以高難度歌曲《同花順》出戰。

一向畀分超嚴格嘅評審伍仲衡超快撳燈，伍Sir自誇值得畀分就會畀，暗指肥媽係無差別撳燈，令錄影廠一度激起火藥味。 擔任嘉賓評審嘅曾路得亦有撳燈表揚，但係佢對王鄭浚仁唱震音時「郁身郁勢式」有疑問，王鄭浚仁解釋呢個係佢嘅小習慣。

伍Sir自誇值得畀分就會畀，暗指肥媽係無差別撳燈，令錄影廠一度激起火藥味。
呢集唔少擁有豐富參加歌唱比賽嘅經驗選手表現出現「滑鐵盧」情況，最終被淘汰，只有獲得五燈嘅王鄭浚仁、以四燈嘅莫健發同劉傳民三位肯定晉級，陳麗寶同蔡靜婷表現中規中矩列入待定晉級嘅行列，其中馬來西亞駐唱歌手蔡靜婷因用聲出錯，以聲嘶力竭方式演繹，被評審周國豐形容為鬼故版嘅《李香蘭》。

馬來西亞駐唱歌手蔡靜婷因用聲出錯，以聲嘶力竭方式演繹，被評審周國豐形容為鬼故版嘅《李香蘭》。

今屆特別加入復活機制，觀眾可以透過投選「我最喜愛的選手」，讓心儀嘅選手就算被淘汰都可以獲得晉級機會。 大家透過網頁投票，每人每日可以投一票，新馬賽區同大灣區賽區各有一個名額，得票最高嘅選手可以贏得一次嘅激活晉級機會，喺20強之前嘅賽事使用。>>> 活動網站傳送門

《中聲３》四燈嘅莫健發！《中聲３》四燈嘅劉傳民五燈嘅王鄭浚仁肯定晉級。