熱播劇《反黑英雄》話咁快就踏入結局周, 一眾演員陳山聰、姚子羚、張振朗、朱晨麗、袁偉豪等現身商場宣傳,振朗喺劇中飾演嘅徐國賢同姚子羚嘅林雪兒之間舊情能否再燃起愛火,係觀眾密切關心劇情,子羚就話兩人之間感情包含咗好多複雜嘅嘢,好多嘢都唔需要講出口。《反黑英雄》話咁快就踏入結局周。
子羚同振朗都話拍嘅時候預計唔到呢對CP咁受歡迎,不過子羚話若果要佢揀山聰或者振朗,佢會揀再後生啲嘅袁偉豪。振朗獲劇組慶生,佢話生日可以開工係開心事,亦好享受不停收到大家祝福。原本要返上佛山開工,但劇組放佢半日假留港跟家人慶祝。袁偉豪畀三女「抽水」呀!
嚟到結局周,朱晨麗話會見到佢開車追捕疑犯同連場打鬥,山聰就叮囑大家要密切期待佢同振朗可唔可以捉到袁偉豪。劇中就有Big Boss金爺,袁偉豪話現實生活中有兩位Big Boss,佢仲話已經開始要為仔仔搵學校,山聰身同感受話做父母唔易。
同曾文心喺劇中表現亮眼,邱梓謙話收到觀眾私訊話睇到喊,曾文心都好開心佢哋嘅感情線可以感染觀眾。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)