冼靖峰驚喜現身賀周吉佩女兒生日 包包轉少女tone同偶像傾偈

周吉佩阿女沉迷冼靖峰（Archie），廿四孝Daddy吉吉早前透露想邀Archie出席生日派對畀阿女包姐一個驚喜，一向寵粉嘅Archie有求必應，呢日Archie現身包包嘅生日會，包包亦見到Archie忍唔住甜笑，更要求同Archie一齊坐。

廿四孝Daddy吉吉早前透露想邀Archie出席生日派對畀阿女包姐一個驚喜。

包包與Archie影完合照之後，即流露出少女嘅嬌羞，連爸爸吉吉都忍唔住話阿女轉少女tone同偶像傾偈，吉吉喺社交平台貼出二人合照並寫道：「包姐終於同 Archie 第一次見面喇！ 包包好緊張，仲轉少女tone同偶像傾偈……（真係頂佢唔順） 再次多謝池仔送呢個生日驚喜包姐！」
一向寵粉嘅Archie有求必應，呢日Archie現身包包嘅生日會。包姐終於同 Archie 第一次見面喇！包包見到Archie忍唔住甜笑，更要求同Archie一齊坐。