王菲現蹤台北與製作人好友見面 網傳年底開騷經理人聲明否認

王菲 近日被台灣傳媒發現與女兒身處台灣，又指佢同相識多年嘅資深製作人兼深交好友 邱黎寬 見面，豈料之後即傳出王菲將辦演唱會嘅消息，更成為內地社交平台瘋狂討論嘅話題。

王菲日前於台北現身，同好友飯聚後突傳出開騷消息(網上圖片)

上周末王菲低調現身台北，同寬姐等好友共聚足足半日，普通一個飯局瞬即演變成「11月開個唱」傳聞，雖然各地唔少歌迷收到消息都非常期待，不過經理人 陳家瑛 就發嚴肅聲明否認傳聞，令大家心碎一地喇。

經理人公司已出聲明否認傳聞

聲明指出展開演唱會一事為不實消息，目前暫無計劃籌辦，希望各界慎防受騙。

王菲與陳家瑛合作多年，兩人關係深厚

王菲 自2000年代後半起已逐慚減少工作，只間中出席唔同節目同活動，自2012年完成46場第5次個人演唱會《巡唱》後就收爐，未再有大型演出，難怪今次稍有風吹草動即令外界消息四起喇。

近年養尊處優嘅王菲每次現身都令外界哄動