劉德華台北巡迴截止登記 84萬人次爭4萬門票

劉德華 事隔11年將於10月底再次於台北小巨蛋開騷，一票難求已難以形容當地嘅搶飛熱潮，歌迷需預早登記再經過抽籤決定約4萬張門票嘅結果，而5日半嘅登記時間，就已經吸引84萬人登記買飛。

華仔7月起舉行嘅新一輪巡迴，10月底就會到台北演出
7月於上海展開嘅《今天⋯is the Day劉德華巡迴演唱會》，10月31日起喺台北小巨蛋舉行4場演出。華仔自2013年底《ALways世界巡迴演唱會》後，相隔11年再度攻「蛋」，台北係今次巡迴嘅第12站，唔少歌迷都非常渴望現場欣賞，而華仔知道登記人數高達84萬人後亦都話：「距離上一次台北演唱會已經11年了，很想念大家，知道這麼多人來登記看我的演唱會，我很感動。非常感謝每一位支持我的朋友，我會以最誠摯的舞台呈現給大家。」
華仔時隔11年再次喺當地演出，登記買飛人士高達84萬人次

完成4場台北演出後，華仔呢次巡迴嘅最終站將返到香港舉行，12月中起於紅館跨年演出至明年1月初。