鍾嘉欣下月將去廣州舉行演唱會,日前出席活動大開金口,以歌聲成功俘虜場內觀眾,為個唱注下「強心針」,佢期望年底推出一首勵志新歌送畀粉絲,作為自己入行20年嘅一個紀念。
鍾嘉欣下月將去廣州舉行演唱會,日前出席活動大開金口。
鍾嘉欣全面復出,呢日喺活動上即場獻唱金曲,猶如預演演唱會咁,令現場氣氛沸騰,鍾嘉欣謙稱每次上台唱歌總略帶緊張,好感恩大會畀佢預演機會,令佢提早感受舞台張力,講到演唱會籌備進度,鍾嘉欣笑指幸得老公同仔女支持,已準備得「八八九九」,又指成日同仔女喺屋企練歌,阿女最鍾意佢首《Love Love Love》及《最幸福的事》,鍾嘉欣續言香港係其歌唱事業發源地,最大夢想係喺香港開個唱。鍾嘉欣於2015年嫁給脊骨醫生Jeremy Leung,育有兩個女兒及一個兒子。
鍾嘉欣自2015年宣布結婚並移居加拿大,坦言一直牽掛住支持佢嘅人,多年嚟即使喺外國生活,亦盡力保持最佳狀態,尤其注重美容,笑言如今已經係「美容達人」,鍾嘉欣最希望似阿姐汪明荃咁,能夠透過演藝事業一直陪伴大家成長,用正能量打動人心,喺今年入行廿載嘅特別日子, 決定籌備推出一首勵志新歌送畀粉絲,期望灌輸正能量,讓大家走出黑暗。鍾嘉欣早前舉家歐遊3個星期,慶祝老爺80歲大壽。
鍾嘉欣亦有分享凍齡保養秘訣,就係每日食早餐前先飲一杯暖水、檸檬水等清腸胃,近年又愛上焗桑拿,仲有意喺屋企添置桑拿室,佢平時都好注重小朋友健康,反而老公態度較隨性:「仔女好好動,囝囝愛玩冰球,我同老公夢想佢將來做冰球運動員;囡囡就喜歡網球,同老公一樣,佢已贏獎無數,反而我最冇運動底子。」鍾嘉欣於2016年嫁脊醫Jeremy Leung,婚後一度淡出娛圈,一家五口幸福美滿,今年夫妻放閃,二人前往馬爾代夫旅行慶祝結婚9周年。