吳浩康(Deep)今年2月開個唱叫好叫座,歌迷叫佢盡快再開騷,主辦單位終於公布好消息,吳浩康將於下個月10號晚上於新蒲崗舉行演唱會,票價分別為企位 $688 (樓下全企位) 及坐位$488,門票於今日公開發售。 吳浩康將於下個月10號晚上於新蒲崗舉行演唱會。
吳浩康指今次舉行演唱會係前所未有咁緊張,因為所有事嚟得好急,但係自己好想去做,主辦單位邀請絕對係好大嘅關係,因團隊由從事多年音樂及文化事業嘅各方好友匯聚而成,吳浩康深信今次演出必定會更精彩。吳浩康指今次舉行演唱會係前所未有咁緊張,因為所有事嚟得好急,但係自己好想去做。
吳浩康透露屆時會唱唔同年份、不同階段及不同態度嘅男人歌,希望代一眾男士吐露心聲。歌單就從佢人生唔同階段曾唱過嘅歌曲當中揀選,有講述親情及友情;也有談及愛情,包括年青時失戀會唱嘅歌,以及好接近現時婚姻關係狀況嘅作品,吳浩康預備咗一啲說話想同太太郭思琳分享。吳浩康透露屆時會唱唔同年份、不同階段及不同態度嘅男人歌,希望代一眾男士吐露心聲。
吳浩康見到歌迷一直對佢嘅支持,佢感謝歌迷多年不離不棄:「你哋曾經因為鍾意我而未必係一件好光彩嘅事,我自己一路撐到而家,希望日後可以順利啲,令到你哋對我嘅支持都會變成一件理直氣壯嘅事。」吳浩康喺工作嘅時間分配上,指有好多事想去做,亦難得而家有咁多機會,真係唔想浪費任何一個機會。
吳浩康預備咗一啲說話想同太太郭思琳分享。