鄭秀文(Sammi)紅館演唱會先後邀請好多後輩擔任嘉賓,希望大家認識更多樂壇新勢力,第八場嘅嘉賓就係周殷廷(YT),兩人一齊合唱《不要驚動愛情》。平時形象好Cool嘅YT予人感覺不羈,估唔到佢見到Sammi即變成怕醜仔。YT早前為Sammi擔任演唱會嘉賓。
Sammi喺台上掀一掀YT嘅衣服笑指今日冇除衫,又話YT平時好鍾意除衫,一身肌肉吸晴令人睇到心心眼。YT謙稱肌肉擔當係Sammi先真,Sammi好開心,仲即刻裝成手瓜起𦟌嘅模樣,YT揚言有華人嘅地方就有聽過鄭秀文嘅名字,全場即報以歡呼聲和議。活動當日唔少fans嚟到現場撐YT。
YT呢日現身時裝活動,有分享同Sammi同台合唱感受,首先覺得成件事好夢幻,加上佢從未擔任過演唱會嘉賓,而且仲要係香港傳奇人物Sammi,上到台腦袋一片空白,總之就緊張過自己開騷,又大讚Sammi為人好友善。
YT日前趁住DSE放榜,宣布為全港中學生義唱一年,佢話現時已經收到幾百個電郵,反應熱烈,令佢好期待為學生演出同佢哋分享。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)