溫拿巡唱之旅10月最後一站 赴廣州酷熱天氣下「快閃」跳十字步場面墟冚

溫拿（Wynners）去年8月9號喺香港舉行第一場《溫拿情不變．說再見Farewell with Love演唱會》，完成香港站8場演出，旋即展開巡唱之旅，先後喺上海、深圳、澳門、新加坡、吉隆坡、美國演出。8月將赴馬來西亞雲頂，今年10月26號將喺廣州體育館演出告別巡唱嘅最後一站。

溫拿於8月將赴馬來西亞雲頂，今年10月26號將喺廣州體育館演出告別巡唱嘅最後一站。

一年多巡唱之旅終於完結，意味着溫拿將正式告別，不論係温拿及樂迷均萬般不捨。温拿不只將音樂傳承下去，更把自創「萬能十字步」舞技發揚光大。回想成軍51年，溫拿笑言當年20歲嘅佢哋若闖當今樂壇，相信必定能以獨特舞技喺跳唱男團當中佔一席位。

一年多巡唱之旅終於完結，意味着溫拿將正式告別，不論係温拿及樂迷均萬般不捨。

成員譚詠麟、鍾鎮濤、陳友、彭健新與葉智強噚日出發去廣州出席演唱會記者會，近百傳媒及粉絲到場，有粉絲高舉燈牌，又準備咗DIY禮物送畀溫拿五虎。溫拿噚日朝早乘高鐵赴廣州，原來健仔與阿強係首次坐高鐵，阿倫笑指二人如同「大鄉里」。溫拿成軍51年，來自世界各地嘅歌迷特別拍下感言片段，溫拿呼籲歌迷今次買演唱會票，偕子女再請父母一齊睇，三代同堂，亦建議歌迷穿上70年代懷舊服飾嚟睇騷。

溫拿笑言當年20歲嘅佢哋若闖當今樂壇，相信必定能以獨特舞技喺跳唱男團當中佔一席位。

呢次廣州站演唱會係溫拿告別巡唱最後一站，阿倫指今次演出主要係同觀眾一齊重溫過去回憶，至於揀廣州為尾站，因為廣東話係溫拿母語，好有親切感，阿強透露今次出動私伙低音結他，呢支結由70年代溫拿喺酒吧唱歌時沿用至今。

成員譚詠麟、鍾鎮濤、陳友、彭健新與葉智強噚日出發去廣州出席演唱會記者會，近百傳媒及粉絲到場。

嚟到最後一站，被問怕唔怕到時忍唔住落淚？阿倫笑言：「次次話希望唔會，但都會有動搖，見到歌迷反應會好唔捨得。以前最眼淺係阿B，但今次佢頂到。」陳友又指大家幾十年兄弟，最後一次開騷，之後到下一代接力，日後大家未必會跟觀眾再有機會經常見面，希望今次大家玩得開心。溫拿51年來除了留下不少經典歌曲及影視作品外，亦將自創「萬能十字步」發揚光大，溫拿此行更即興趁午飯空檔，重新編排新十字步，加入「廣場舞」元素，落區去廣州塔廣場逗留15分鐘，快閃教廣州市民大跳十字步，吸引逾百市民圍觀，場面墟冚。  

溫拿51年來除了留下不少經典歌曲及影視作品外，亦將自創「萬能十字步」發揚光大。

雖然溫拿即將告別，但佢哋表示若有慈善演出，或社會有需要溫拿嘅話，亦會義不容辭合體，繼續將正能量發放出去。陳友指一隊樂隊要一齊超過50年唔易，而且佢哋成軍以後從未換過人，所以佢哋唔只玩音樂，亦發揮團結精神。問到佢哋會私下慶祝周年紀念，平常亦會經常定期聚會。

溫拿此行更即興趁午飯空檔，落區去廣州塔廣場逗留15分鐘，快閃教廣州市民大跳十字步。