2024巴黎奧運喺香港時間26號深夜時間開幕,喺開幕前夕,電視廣播有限公司節目內容營運總經理曾志偉,聯同香港特別行政區政府文化體育及旅遊局體育專員黃德森、奧運六星、一眾奧運主持及專業評述團,現身TVB 2024巴黎奧運直播基地啟動暨拜神儀式,呢日亦邀請到特首李家超以視像形式支持。
巴黎奧運今晚開鑼,一眾主持以準備為大家全天候轉播不同項目
奧運舉行期間,TVB將會為觀眾進行超過5,000小時直播、仲有賽前分析、賽後精華,以及重點賽事採訪等。一早已經飛咗去巴黎做採訪嘅方力申同黃翠如等,呢日亦有連線同大家講下當地情況。
奧運之星稍後23:00就會同其他嘉賓一齊出席《全城起動迎奧運》
喺香港坐鎮嘅鍾志光,就話大家唔好睇小方同翠如面帶笑容就以為佢哋嘅工作好輕鬆,佢話因為當地嘅交通一定好混亂,加上保安相當嚴密,多個地方封路,所以喺當地嘅同事要孭住沉重嘅器材周圍探訪,一定係好艱苦。
已抵達巴黎嘅一眾主持亦作好萬全準備
而一眾中聲嘅唱將亦會為呢晚嘅節目演出,最近支嚳儀Venus成為娛樂新聞人物,有傳佢係曹敏寶、龍婷等緋聞嘅爆料者,對於呢啲無中生有嘅傳聞,Venus都話好無奈,佢話:「清白就係底氣,總之自己冇做過嘅嘢,你行得正企得正就唔怕嘅。」講完之後周吉佩、顏志恒同羅啟豪都即刻圍埋嚟畀個擁抱Venus,顏志恒仲話:「團唔團結唔到我哋講,但我哋感情係好好嘅。」「中一生」近來新聞不斷,呢日佢哋都覺得非常無奈
一陣23:00翡翠台會播映《全城起動迎奧運》同大家一齊迎接巴黎盛事,而00:50將直播開幕典禮盛況。