陳山聰兒子Jaco舞動獅頭企阿爸膊冇怯場 關楚耀讚兩仔爺型爆！

陳山聰與好友郭政鴻等開設嘅國際獅兄弟同學會成立10年，連日舉行會慶活動，獲新聞女王Man姐佘詩曼亦大駕光臨，為佢自己送出嘅鴻運當頭新獅進行參花掛紅點睛儀式，而好友伍詠薇、黃浩然及關楚耀等亦有出席另一個會慶活動。

陳山聰與好友郭政鴻等開設嘅國際獅兄弟同學會成立10年。

好友伍詠薇、黃浩然出席另一個會慶活動。

山聰喺3歲時受爸爸薰陶學習舞獅，早年與好友郭政鴻等成立醒獅會，受訪曾講過希望三代傳承，期待有日父子上陣，於10周年會慶，山聰達成願望，關楚耀喺IG上載陳山聰同兒子霆軒（Jaco）一齊舞獅嘅影片，當日見二人父子檔上陣，Jaco就算企喺爸爸膊頭舞獅亦完全冇怯場，隨住鑼鼓聲舞動獅頭，舞動時功架十足，有板有眼，連關楚耀都忍唔住讚「你兩仔爺型爆」。

關楚耀不時出席醒獅活動，對中國傳統醒獅有濃厚興趣。山聰喺3歲時受爸爸薰陶學習舞獅，早年與好友郭政鴻等成立醒獅會，受訪曾講過希望三代傳承，期待有日父子上陣。關楚耀忍唔住讚山聰同Jaco型爆。陳山聰一向視兒子如珠如寶，而兒子Jaco亦相當乖巧。