許光漢新劇唔露股改做打仔 直男角色繼續抵死博打

由許光漢、林柏宏、王淨主演嘅電影《關於我和鬼變成家人的那件事》喺一年前上映時票房口碑雙豐收，而電影更打鐵趁熱開拍衍生劇集《正港分局》，不過男主角之一嘅林柏宏就冇參與演出。呢日光漢同王淨就聯同Lulu黃路梓茵、大鶴等演員出席衍生劇集宣傳記招。

許光漢近來紅到韓國，而去年大修嘅電影更推出劇集版

光漢透露，呢次雖然唔會有同電影一樣嘅露股大尺度演出，不過就有唔少動作場面，加上佢嘅角色會不變抵死性格，所以喺戲中就會有「冒犯」到令王淨想打佢嘅關係發生。

呢日一眾演員齊齊現身記者會宣傳
 
王淨喺電影中聰明之餘亦牙尖嘴利，被問喺新劇有冇改變時，佢就幽默表示自己嘅角色一直好尊重大家。至於其他人點諗，就要睇佢哋嘅造化喇！

王淨嘅角色仲會被Mean爆嘅光漢激到出手還擊
 
光漢同大鶴喺戲裡戲外都份屬兄弟，大鶴透露，自己嘅角色本來有口吃問題，但就係因為光漢加段一小段戲而改變咗呢個問題。至於段戲係點，大鶴就叫大家密切留意播出喇！