王陽明兌現票房破億承諾預送出10萬名錶 王識賢趁許光漢當兵接收人氣

台灣男星王陽明早前喺活動拒絕對女粉絲畀愛心手勢惹起失言風波，事後拍片向太太畀愛心手勢疑道歉補鑊，王陽明雖然捲入失言風波，不過佢有份主演嘅電影票房未有受影響，王陽明呢日同新戲演員高捷同王識賢等，去到街頭派禮物答謝影迷支持。

王陽明早前拒派心而成為話題
王陽明兌現票房破1億嘅承諾，預告送出價值10萬名錶，同場嘅王識賢亦好受在場女粉絲喜愛，早前出席活動被女粉絲叫「老公」，王識賢笑指目前大多數係同情票，要趁許光漢當兵接收吓人氣。

呢日佢就預告票房達標就會送出名錶