楊潮凱二度榮升爸爸湊個好字 雞蛋仔喊聲洪亮窩心笑容超可愛

恭喜恭喜…楊潮凱宣布老婆順利誕下第二胎囝囝，英文名取名Cayden，暱稱雞蛋仔，仲話BB一出世就喊得好大聲，中氣十足，相中見BB三隻手指仔輕貼面頰，露出窩心嘅笑容，可愛到不得了。

楊潮凱宣布老婆順利誕下第二胎囝囝，英文名取名Cayden，暱稱雞蛋仔。

現年39歲嘅潮凱出名係愛妻號，同初戀情人江玉儀結婚後，育有六歲大女楊心悅Catharine，今次係夫妻二度榮升父母，潮凱喺七月初時正式宣布太太再度懷孕，並公布性別係仔，成功湊個「好」字。話咁快喺8月1號，潮凱就喺社交平台報喜，宣布愛兒雞蛋仔出細，母子平安，並感謝醫護人員幫囝囝沖涼換片。

相中見BB三隻手指仔輕貼面頰，露出窩心嘅笑容，可愛到不得了。

潮凱喺留言中更放膽向囝囝說聲I love you，又大讚媽媽又靚又叻，一邊流露父愛一邊讚揚老婆母親之偉大。之前潮凱曾透露家姐好期待見到細佬，每日倒數住日子，潮凱希望兩姊弟日後相親相愛。

39歲嘅潮凱出名係愛妻號，同初戀情人江玉儀結婚後，育有六歲大女楊心悅Catharine，今次係夫妻二度榮升父母。

而一直喺圈中人緣好好嘅潮凱，更獲得好友朱千雪、龔嘉欣、江嘉敏、陳煒、胡定欣、孫慧雪、鍾嘉欣、連詩雅、陳敏之等一眾女藝人都有留言送上祝福。
潮凱希望兩姊弟日後相親相愛。