方健儀努力工作賺錢望50歲退休 膝下無兒無女及早規劃優質生活

方健儀今日以嘉賓身分出席一個銀行展會嘅開幕典禮活動，並參觀現場攤位，透過活動了解各樣安老服務，方健儀笑言47歲亦屬於黃金年齡，加上屋企有年長父母、祖母，上一代年輕時花咗好多心機照顧仔女，所以喺屋企人年老時要好好照顧。

方健儀今日以嘉賓身分出席一個銀行展會嘅開幕典禮活動，並參觀現場攤位。

方健儀指父母嗰代冇任何退休規劃：「當退休嘅時候好唔習慣，尤其係佢哋以前係開舖做生意，突然間失去工作，就好似懸崖式咁跌落嚟，所以佢呢一代就要好好規劃。」

方健儀非常孝順，不時跟父母外遊。

方健儀對大會以45歲為退休規劃指標十分同意 : 「我40歲就開始為退休規劃，如果問我點解咁早規劃，係因為我冇小朋友，冇得靠仔女養，要靠我哋自己，如果到五、六十歲後突然間身體出現狀況就會好徬徨。」方健儀又指老公大過佢7年，佢都希望兩公婆退休後有一個優質生活。

方健儀與無綫新聞工程人員丈夫洪楚恆2010年結婚，方健儀曾經表示老公係「石屎森林裏的絕種生物」。

方健儀坦言心目中理想退休年齡係50歲：「講就容易！而且我所謂嘅退休唔係咩唔做，所以近年我好努力咁去工作賺錢，亦將工作數量慢慢地整理，將來開支足夠我交管理費，或者畀保險嗰啲開支、一啲基本生活開支，我覺得已經好好。」

方健儀坦言心目中理想退休年齡係50歲。