我推的野男LIVE！｜22猛男力的表現衝勁爆棚 61歲高齡選手分享明聲夢背後辛酸

TVB Plus全新節目《我推的野男LIVE！》由100%全民推選、全港首個直播互動選秀Show，將於8月12號起逢周一晚9點半、周二晚9點35分正式開戰。22位猛男呢日去到野外為節目拍攝宣傳片，個個出盡全力一展身手，唔單止凌空顯臂力，個個都騷出大隻本錢，單係睇勁度已經令人好想尖叫。
顏英豪22位猛男個個都騷出大隻本錢。
節目集結城中不同年齡、身份嘅肌肉猛男，其中有「肌肉界吳大強」之稱既5號Daniel黃志明、擔任投行經理嘅「筋肉霆鋒」2號Oswald關經翰，仲有「46吋巨胸林子善」7號Cash顏英豪。而各位男士為咗拍呢條宣傳片，事前落足工夫迎戰，包括特意游水練氣、玩重訓練大隻等，當中劉梓謙則嚟個反差，事前一晚節食上陣，好彩佢都有足夠體力應付。
關經翰
雖然各位男士由芸芸選手中脫穎而出，各有優勝之處，不過張家揚喺身高上就成為最強武器，係眾多選手中最高一位，有1.85米身高嘅張家揚好謙虛表示唔覺身高係佢優勢，因為要挑戰嘅遊戲各有特點。
王國昇
見咁多位參賽者個個好大隻，但佢哋並唔係從事健身行業，相信大家都估佢哋唔到。而最年長參賽者61歲Daniel任職特約演員，分享自身勵志故事，由17歲開始就入行，頂替不務正業嘅爸爸養家，供養細佬妹妹讀書，但佢一直冇將夢想放低，雖然好多人笑佢呢個年紀唔好發明星夢，但佢只想做個出色嘅演員。
⿈志明