64歲吳岱融輕鬆面對激烈打戲 黎燕珊患腸胃炎感激吳若希打救

吳岱融、馮素波、黎燕珊、劉子儀、邱萬城同鄭家生等出席一部新戲嘅開鏡拜神儀式，一代武打影星梁小龍亦驚喜現身。
眾演員呢日出席開鏡儀式。
喺戲中演江湖大佬嘅岱融哥，透露劇中有唔少激烈打戲，不過佢話會輕鬆面對。今個月22號就係岱融哥嘅65歲生日，佢話雖然當日無工作在身，但係佢亦都無打算大肆慶祝，可能只係同幾個朋友或同太太食飯慶祝就算，至於有咩生日願望，岱融哥就話想家人齊齊整整、身體健康。講到囝囝，岱融哥話阿仔而家喺新加坡，仔大仔世界，有自己嘅天空，盡量都唔想打搞佢喎。
黎燕珊話早前患上腸胃炎。
黎燕珊因為同導演相識三十多年，所以受邀客串演出，佢亦感激《巨塔之后》劇組放期畀佢拍戲，但過兩日珊姐又要去佛山繼續劇集拍攝，而佢早前拍外景時，就患上腸胃炎，搞到拍攝時都不在狀態，好彩得到劇中阿女吳若希打救，送上止痾藥畀佢，救返佢一命喎。