知識新天地丨周奕瑋宣揚學海無涯 奧運節目獲讚林溥來感驕傲

周奕瑋、林溥來、陳庭欣、吳偉豪、孔德賢、黃婧靈同何沛珈一齊出席明珠台「知識新天地」記招，正所謂學無止境，無論幾多歲都要活到老學到老，Jarvis同Patrick Sir都好認同呢個說法，Jarvis話語言係好重要，節目中就會學到英文嘅標準發音，Patrick Sir覺得各行各業都要做到可持續發展。
明珠台「知識新天地」記招。
巴黎奧運踏入尾聲，Patrick Sir要捱眼瞓主持節目，連Toby都話佢瘦咗，但佢都覺得好值得。佢話而家奧運多咗科技幫手，令賽事更加好睇，觀眾可以睇得更仔細。另外，佢覺得最好嘅回報係好多人讚TVB奧運節目做得好，佢話其實一直都做得好，只係而家有比較，大家就睇得出。
周奕瑋、林溥來、陳庭欣。
Danny有意再攻讀碩士課程，但要等到適當時機，Ricco好佩服Danny之前邊工作邊讀書，佢試過一個學期就放棄咗。何沛珈就話自己多咗司儀工作，所以都聽森美提醒，要多學習唔多事物，所以平時都會上網同睇書增進知識。平時紥紥跳嘅波波，負腳傷出席記招，原來係佢日前太心急而碌咗落樓梯。
波波負腳傷出席記者會。