「東宮娘娘」陳法拉返港召集回宮 《東西宮略》難得飯聚相識13年友誼不變

陳法拉今年暑假跟金球影帝Colin Farrell拍新戲，更會返香港及澳門取景，逗留約兩個月，法拉開心返港開工，亦好掛住香港嘅朋友，阮小儀喺凌晨於IG貼出「東西宮略」聚會合照，相中見佢同陳法拉、陳敏之、呂慧儀及阮兆祥一齊聚舊。

阮小儀喺凌晨於IG貼出「東西宮略」聚會合照。

法拉以素顏出席聚餐依然好省鏡，佢哋2011年一齊拍《東西宮略》結緣，眾人相識13年，友誼多年不變，難得法拉呢段時間留喺香港，佢哋當然要抽空敘舊，小儀指拍劇有個好處，係可以識到好朋友，更難難得大家friend到而家，「我哋係10X幾年嘅friend！今晚，因為法拉咁啱喺香港，佢一呼我哋就百應」。

小儀同敏之稱可惜「大王」郭晉安要開工，今次聚會唔齊人！

而陳敏之亦好掛住法拉，今次仲要係「東宮娘娘」法拉召集回宮，佢哋都二話不說即刻飛出嚟見呢位幸福媽媽；小儀同敏之稱可惜「大王」郭晉安要開工，今次聚會唔齊人！不過佢哋睇吓短期內會唔會再約多次，敏之仲話可以搵多次藉口再出嚟，見到個個都幸福快樂健康平安，已經好開心。

小儀同陳法拉、陳敏之、呂慧儀及阮兆祥一齊聚舊。法拉以素顏出席聚餐依然好省鏡。敏之仲話可以搵多次藉口再出嚟，見到個個都幸福快樂健康平安，已經好開心。今次仲要係「東宮娘娘」法拉召集回宮，佢哋都二話不說即刻飛出嚟見呢位幸福媽媽。眾人飯聚食得好開心！