毛姐千金出閣榮升外母 乖女出嫁被喻最靚星二代

毛姐 毛舜筠 1994年同知名美術指導兼導演 區丁平 成婚，婚後育有 區令山 同 區亦山 一對千金。毛姐不時都會Post出一家人同遊嘅家庭溫馨記憶，而呢日仲指區家有囍，因為長囡區令山出嫁喇，毛姐話：女兒在充滿愛的保護和包圍下展開人生新的一頁！除了感恩還是感恩🙏💕 

毛姐Post出大囡區丁山出嫁嘅情況

毛姐Post嘅相片可見，新娘輕挽爸爸區丁平嘅手步入會場，而身穿深綠色長裙嘅毛姐就同男家女親友牽手一齊進場，證一對新人嘅夢幻婚禮。

區丁山帶價住寶貝女步向人生新階段

毛姐一家感情緊密，平時都會把握時間相聚，而新女婿早前已現身於社交平台合照，一家五人非常融洽。毛姐早前受訪時，就預告8月呢件喜事，不過提到大女出嫁後將會移居美國時就明顯不捨喇。

新女婿早已融入家中

出道四十多年嘅毛姐，多年來參與多部影視作品，角色多不勝數，每年例必重播嘅《家有囍事》、《花田囍事》每次播出都例必令人捧腹。毛姐近年減少幕前演出，又曾轉戰商界，投資千萬開設曲奇餅房，唯因訂單多到爆炸而擔憂難以保障品質，最後忍痛結業。

毛姐不時都會分享同兩位千金嘅生活片段
身為父母非常珍惜同囡囡相處嘅每一刻