劉謙親證患肺腺癌零期 已於2月完成切除手術

台灣魔術師劉謙28號親口向媒體證實，自己於例行診檢時查出患上肺腺癌零期，並已於2月中完成手術。

劉謙今年到春晚表演。
劉謙應知名製作人邀請到台灣錄製全新節目，佢由經理人陪同下現身電視台，並接受台灣一間週刊訪問，期間劉謙表示早於今年春晚演出前，就已經查出肺部有陰影，由於醫生建議要住院開刀，但因為劉謙唔想影響春晚演出，所以硬撐到表演結束後先做手術。

劉謙親口證實患上肺腺癌零期。
劉謙透露早喺3、4年前做身體檢查時發現肺部有結節，故開始定期覆診，亦喺今年檢查出患肺腺癌零期，當時醫生同佢講預測遲早會變壞，加上劉謙嘅小叔早前因肺癌離世，而佢亦有抽煙習慣，故劉謙擔心係家族遺傳病，所以決定趁早做手術切除。

劉謙剛完成北京嘅演出。
今年係劉謙相隔5年再上央視春晚表演，但喺魔術表演期間，因為意外令魔術穿崩，網民更將截圖瘋傳。